Solmaz Şirin
Həyat yaşamağı bacaranındır, onun ilməsindən baş açanındır!
Şəhid balasıyam, ürəyim yara,
Atamın yoxluğu çox çəkir dara,
Möhtacam atamlı şən yuxulara.
Gecələr mənimlə, qoy, olsun atam,
Atam şəhid oldu Vətən yolunda,
Vətəni o, mənə tapşırıb getdi.
Öz canın tapşırdı Vətən qolunda,
Vətənin şəninə o, qurban etdi.
Atam getdi cəbhəyə,
Söz verdi ki, gələcək.
And içdi ki Kəbəyə,
Düşmənləri dələcək.
Bu gün onilliyin, şərəfli günün,
Ad günün mübarək, gözəl Mələyim!
Dünyaya yayılsın bu xoşbəxt ünün,
Birinci onillik olsun dirəyin!
Nənəmi çox sevirəm,
Canım kimi əzizdir.
Hər nə desə, edirəm,
Hər bir sözü ləzizdir.
Sən gözəllər gözəlisən,
Qara gözlü, nur Mələyim.
Taleyimin əzəlisən,
Allah sənə yar, Mələyim!
Nənəmi çox sevirəm,
Mehribandır, əzizdir.
Ona olan bu sevgim
Bir ümmandır, dənizdir.