Sən bizim ellərin dilbər qızısan,
Olmaz bərabərin gözəllər içrə.
Lalə yanaqların lalədən gözəl,
Mislin yoxdur hüsni-əzəllər içrə!

İstərdim, a şux, sevgili cananım olaydın,
Mən ruhi-rəvanın, sən isə canım olaydın.
Eşqin dili-zarımdakı aruzuvü dərdim,
Sən isə könül dərdinə dərmanım olaydın.

Kitab yazmaq şairlərdə həvəsdir,
Səninkilər qəlbdən gələn bir səsdir.
Bu kitaba Həkim Qəni qol çəkib,
Bizim buna tərifimiz əbəsdir.

Gözələ yaraşan işvə, naz olar,
Sən danışsan, bülbül coşar, yaz olar.
Solmaz xanım, tərif desəm, az olar,
Mən hüsnünə nəğmə qoşum saz ilə.

Bu gün sənin ad günündür, mən də təbrikə gəlmişəm,
Bu sözlərdən çələng hörüb mən də sənlə yüksəlmişəm.
Əl açıb Haqq dərgahına sənə dua olmuş peşəm,

Daha bu lalənin yanağı solmaz,
Daha bu lalənin budağı sınmaz,
Daha bu lalənin bağrı qan olmaz,
Öz könül sirdaşın tapandan bəri.

Qarşımda bir kitab var –“Solmaz çiçəklər”dir adı bu kitabın. “Qızıl kitab” mükafatı almışdır bu kitab. Müəllifi Solmaz Şirindir (Solmaz Qədimalı qızı Şirinova). Bu ad mənə çoxdan tanışdır və mənim üçün çox əzizdir.

Ötən günlərdə Vahid poeziya evində şairə Solmaz Şirinin yubileyi və “Solmaz çiçəklər”adlı kitabının təqdimat mərasimi keçirildi. Mərasimə şairənin yaxınları, qohumları və bir çox sənətçilər dəvət olunmuşlar.

Dünyada insanların möcüzə saydığı hadisələr var. Bu hadisələr bizi heyrətə gətirir. Təfəkkürümüz onları təhlil və həzm edə bilmir. Dəqiq izahını verə bilmədiyimizdən onları möcüzə kimi qəbul etməyə məcbur oluruq.

Dövrü mətbuatda imzasına rast gəldiyimiz Solmaz Şirin yaxın vaxtlarda “Qapp-poliqraf”nəşriyyatında yeni kitabını -“Səni gözləyirəm”şeirlər toplusunu çap etdirmişdir.