İSİT MƏNİ
İstəyirəm mən əriyəm
Sənin sıcaq nəfəsində,
Sökülməz bir yuva tikəm
Qaynar sinə qəfəsində.
KÖNÜL QIYMARAM
Məni sevməyəni mən heç sevmərəm,
Yer alt- üst olsa da, göy dağılsa da,
Məni saymayanı mən heç saymaram,
Həyatda bircə mən, bir o qalsa da.
TAPILMIR
O necə sazdır ki, görən, sinəmdə,
Onun ahəngini alan tapılmır?!
Necə möcüzə var məhəbbətimdə!
Onun avazına dalan tapılmır,
O QAYTARA BİLMƏDİ
Bu qarantin dövründə
Anaya çox sitəm oldu.
Xalq bir zülm çəkdisə,
Ana ikiqat çəkdi.
HƏYATIN QƏDRİN BİLƏK
Korona hər şeyi anlatdı bizə,
Həyatın hər üzün tanıtdı bizə.
Gəlin, şükür edək hər şeyimizə,
Həyatın qədrini, qiymətin bilək.
SƏBR EYLƏ, DÖZ, TƏBİƏTİM
Təbiət göz açır, torpaq dirçəlir,
Qalıb insanlarsız, yaman darıxır.
Yamyaşıl yamaclar, parklar, küçələr,
Qəm-qüssə içində məzlum tək baxır.
EVDƏ QAL
Evdə qal, canını qorumaq üçün,
Allahın verdiyi bu əmanəti.
Evdə qal, qanını qorumaq üçün,
Allahın verdiyi şirin neməti.
ALLAHA YALVARIŞ
Ya Allahım, Yaradanım,
Yeri, göyü fəhm edənim,
Bəndələrə rəhm edənim,
Qurtar bizi bu bəladan.
KORONA FƏLAKƏTİ (MƏSNƏVİ)
Bir Korona virusun əlində qaldı dünya,
Bu virusla alışıb, oda qalandı dünya.
Zalım şah tək başına qoydu buynuzlu tacı,
El-obanın aşına tökdü zəhərli acı.
ALLAHIN QƏZƏBİ
İnsanlara ibrətçin, dərs üçün, tənə üçün,
Korona adlı bəla göndərmişdir İlahi.
Bəşər övladlarını ədəb, tərbiyə üçün,
Dünyanı məzlumluğa döndərmişdir İlahi.