Solmaz Şirin

Həyat yaşamağı bacaranındır, onun ilməsindən baş açanındır!​

Dədə-baba bayramıdır,
Milli Qurban bayramımız!
Nəzir vermə məqamıdır,
Sevinirik biz hamımız.

“Qurban sənə” deyəndə biz,
“Qoyun olsun qurban”, – deyər,
Dara düşüb uyanda biz,
“Qoyun qurban”, – dilə dəyər.

Tanrı belə buyurubdur:
Qurban elə qoyun olar.
İsmayılı qoruyubdur,
Deyib: insan insan qalar.

Qoç başında qırmızı lent
Gedir gəlin qapısına.
Nişanlılar edir qurban
Hərəsi öz yarısına.

Mübarəkdir Qurban günü!
Bayramınız nurla dolsun!
İnsanların dərdli ünü
Qurbanlarla gedər olsun!

2019 Solmaz Şirin. Müəllif hüquqları qorunur.

Powered by Megavision International