Solmaz Şirin

Həyat yaşamağı bacaranındır, onun ilməsindən baş açanındır!​

Bu gün onilliyin, şərəfli günün,
Ad günün mübarək, gözəl Mələyim!
Dünyaya yayılsın bu xoşbəxt ünün,
Birinci onillik olsun dirəyin!

O tər qönçələrin açsın gül-çiçək,
Layiqli övlad ol, elinə gərək.
Böyük uğurların, şöhrətin görək,
Ürəklər açdırsın, gülsün ürəyin.

Gimnast çempionu olasan bir gün,
Dünyaya səs-soraq salasan bir gün.
Ucalt Azərbaycan bayrağın, ünün,
Parlasın, gül açsın arzu-diləyin!

Qayğıkeş övlad ol, sonra da ana,
Sadiq ol, sahib ol elə, obana.
Həm bacı, qardaş ol sən qardaşına,
Solmaz nənən olsun hər an gərəyin!

2019 Solmaz Şirin. Müəllif hüquqları qorunur.

Powered by Megavision International