Günü-gündən etdin pərvaz,
Aydın olsun gözün, Pərvaz!
Sənət bağın bir güllü yaz,
Yüksəl, ucal, var ol, Pərvaz!

Səmimisən, mehribansan,
Könlün açıq, üzün gülər.
Şən, qayğıkeş bir insansan,
Dilin oxşar, gözün gülər.

Müstəqillik bayramındır
Bu gün sənin, Azərbaycan!
Xoşbəxt, gülər məqamındır,
Yoxdur tənin, Azərbaycan!

Gönəş nuru saç elinə,
Gözəl Xumar, göyçək Xumar!
Gül ənbərli saçlarına,
Üz-gözünə sən çək tumar!

Adı Gözəl Bənövşəydi,
Özü göyçək, mənim anam.
İlk baharda ilk müjdəydi,
Gözəl çiçək, mənim anam.

Göyü bulud seyr edəndə,
Yağış pənah gətirəndə,
Yolu çaya döndərəndə,
Sən yelkən ol, yad et məni!