Solmaz Şirin
Həyat yaşamağı bacaranındır, onun ilməsindən baş açanındır!
Bu qarantin dövründə
Anaya çox sitəm oldu.
Xalq bir zülm çəkdisə,
Ana ikiqat çəkdi.
Korona hər şeyi anlatdı bizə,
Həyatın hər üzün tanıtdı bizə.
Gəlin, şükür edək hər şeyimizə,
Həyatın qədrini, qiymətin bilək.
Təbiət göz açır, torpaq dirçəlir,
Qalıb insanlarsız, yaman darıxır.
Yamyaşıl yamaclar, parklar, küçələr,
Qəm-qüssə içində məzlum tək baxır.
Ya Allahım, Yaradanım,
Yeri, göyü fəhm edənim,
Bəndələrə rəhm edənim,
Qurtar bizi bu bəladan.
Bir Korona virusun əlində qaldı dünya,
Bu virusla alışıb, oda qalandı dünya.
Zalım şah tək başına qoydu buynuzlu tacı,
El-obanın aşına tökdü zəhərli acı.
İnsanlara ibrətçin, dərs üçün, tənə üçün,
Korona adlı bəla göndərmişdir İlahi.
Bəşər övladlarını ədəb, tərbiyə üçün,
Dünyanı məzlumluğa döndərmişdir İlahi.
Oğullar var, maskalı
Gəlinlərin əlində.
Danışmırlar bir kəslə
Özlərinin dilində.
Aslanın erkəyi, dişisi olmaz,
Aslansan aslanlar ara, Məleykə!
Yeyərdin ətini, içərdin qanın,
Salardın düşməni dara, Məleykə!