Səkkiz may günündə enən bayrağın,
Səkkiz Noyabrda zirvənə qalxdı.
Yazadək gözləyə bilmədi xalqın,
Cəngavər əsgərin sinənə qalxdı.

Böyük təşəkkür olsun Ali Baş Komandana,
Qüşməni qovmaq üçün əks hücum verdi ona,
Otuz illik həsrəti qoymaq üzrədir sona.
Yaşasın Qarabağım, Bütöv Azərbaycanım,
Dövlətimin başçısı, Ali Baş Komandanım!

Şanlı Ordum, irəli, Qarabağın dardadır,
Laçının, Kəlbəcərin, yurdun gözü yoldadır,
Hövsələsi qalmayıb, otuz il işğaldadır.
Ucalt şanlı adını, o şanlı bayrağını,
Göstər Vətənə olan o mərdlik dayağını!

Xalqın vuran ürəyi,
Ölkənin nər dirəyi,
İti görən gözləri,
Azərbaycan əsgəri!

Gözəl diyarımın gözəl paytaxtı,
Bəxtəvər gözəl tək yazılmış baxtın,
Qara qızıldandır təməlin, taxtın,
Gözəllər gözəli, canımsan, Bakı,
Ürəyim, nəfəsim, qanımsan, Bakı!

Dədə-baba bayramıdır,
Milli Qurban bayramımız!
Nəzir vermə məqamıdır,
Sevinirik biz hamımız.

Əzizim qan içində,
Bir saat, an içində,
Boğuldu, yeksan oldu,
Xocalı qan içində.

Yeni il, xoş gəlmisən Yeni Azərbaycana,
Azad Vətən olacaq səninçin doğma ana,
İki min on yeddiylə ver yaraşıq sən ona.
Vətənimin qoynuna səninlə bar, nur dolsun!

Şəhidlər Vətənin, xalqın yolunda,
Şəhidlər yolunda şəhid oldun sən.
İgid şəhidlərin məğrur qolunda,
Şəhidlər halında şəhid oldun sən.

Cənnət məkanıydın, vurğunduq sənə,
Nankor övlad satdı səni düşmənə –
Güllü bağlarında güllərin soldu,
Adın tək bəxtin də qapqara oldu.