Xoş aprel gecəsi açdı üzünə
Qələbə müjdəli aydın səhəri.
Xoş sevinc yaşları doldu gözünə,
Avropadan aldın zəfər xəbəri.

Sən mənə anasan, anamdan əziz,
Sənə məhəbbətim dənizdir, dəniz.
Ömrümün bir anı keçməsin sənsiz,
Ey mənim varlığım, qəlbim, vicdanım,
Mən sənə qurbanam, Azərbaycanım!

İki yaşlı körpə ikən
Sən boğuldun, can vermədin.
Qəddar, qansız nadanlara,
Şeytansifət insanlara
Könül, həyat, qan vermədin.

Üzümüzə açıldı
On beş aprel səhəri.
Avropadan saçıldı
Şən Qələbə xəbəri.

Ey azəri türkləri,
Azərbaycan əsgəri!
Koroğlunun, Babəkin,
Nəbinin nəvələri!

Qərib yerdə şah olsan da,
Canın çəkir Vətən odu.
Ən ləzzətli dad alsan da.
Başqa daddır Vətən dadı.

On beş avqust salnamədir
Azərbaycan diyarına.
İki qızıl medalçılar
Gəldi onun hüzuruna.

Vətən oğlu, anamız o torpağı unutma,
Qızılgülü saralmış xəzan bağı unutma!

Müstəqillik bayramındır
Bu gün sənin, Azərbaycan!
Xoşbəxt, gülər məqamındır,
Yoxdur tənin, Azərbaycan!