Allahım, kömək et Türkiyəmizə,
Yanğından xilas et, mərhəmət eylə.
Bəla ver, cəza ver düşmənimizə.
Xəyanətə qarşı xəyanət eylə.

Aslanın erkəyi, dişisi olmaz,
Erkəklər içində döyüşə girdin.
Gözünə göründü nə oğul, nə qız,
Vətənin xilası olmuşdu dərdin.

Toxunmayın, sevdalıyam,
Xəyalımda məhəbbət var.
Bir igidin sevdasıyam,
Sevdasında dəyanət var.

Namusun, qeyrətin yerlə göy qədər,
Səninlə fəxr edir Vətənin, əsgər!
Vətəndən uzaqda olsan nə qədər,
Ürəyin Vətəndə döyünür, Hüseyn,

irvələri fəth etdin,ucaldın igidliyə,
Oldun ən ali insan həyatımda, gözümdə.
Fəth elədin həm məni, heyranam bu mərdliyə,
Qürur hissi duyuram mən fərəhlə özümdə.

Qulağımız səsdə, gözümüz yolda,
Qələbə xəbəri gözləyirik biz.
Şuşa, laçınımız hələ ki darda,
Onların qəlbiylə vurur qəlbimiz.

Murdar düşmən, tez çıx, rədd ol yurdumdan.
Çox zərbə alarsan məğrur Ordumdan!
Yanıb kül olursan, qaçıb gedirsən,
Sənə bir haray yox qonşu yardımdan.

Tarix təkrarlanır yenə də bu gün,
Ruslar at oynadır Qarabağımda.
Keçən əsrlərdə olduğu kimi,
Ruslar it oynadır Qarabağımda.

Ali Komandandan bəyanət aldın,
Vətəni, xalqını əmanət aldın.
Xalqın dəstəyindən dəyanət aldın,
Qartal tək şığıdın döyüşə, əsgər,

“Qalib ol, şəhid ol, ya da qazi ol!”
Devizi altında cəbhəyə getdin.
Vətən harayına hər an hazır ol!
Şüarı altında hərəkət etdin.