Gözəl diyarımın gözəl paytaxtı,
Bəxtəvər gözəl tək yazılmış baxtın,
Qara qızıldandır təməlin, taxtın,
Gözəllər gözəli, canımsan, Bakı,
Ürəyim, nəfəsim, qanımsan, Bakı!

Dədə-baba bayramıdır,
Milli Qurban bayramımız!
Nəzir vermə məqamıdır,
Sevinirik biz hamımız.

Əzizim qan içində,
Bir saat, an içində,
Boğuldu, yeksan oldu,
Xocalı qan içində.

Yeni il, xoş gəlmisən Yeni Azərbaycana,
Azad Vətən olacaq səninçin doğma ana,
İki min on yeddiylə ver yaraşıq sən ona.
Vətənimin qoynuna səninlə bar, nur dolsun!

Şəhidlər Vətənin, xalqın yolunda,
Şəhidlər yolunda şəhid oldun sən.
İgid şəhidlərin məğrur qolunda,
Şəhidlər halında şəhid oldun sən.

Cənnət məkanıydın, vurğunduq sənə,
Nankor övlad satdı səni düşmənə –
Güllü bağlarında güllərin soldu,
Adın tək bəxtin də qapqara oldu.

Xoş aprel gecəsi açdı üzünə
Qələbə müjdəli aydın səhəri.
Xoş sevinc yaşları doldu gözünə,
Avropadan aldın zəfər xəbəri.

Sən mənə anasan, anamdan əziz,
Sənə məhəbbətim dənizdir, dəniz.
Ömrümün bir anı keçməsin sənsiz,
Ey mənim varlığım, qəlbim, vicdanım,
Mən sənə qurbanam, Azərbaycanım!

İki yaşlı körpə ikən
Sən boğuldun, can vermədin.
Qəddar, qansız nadanlara,
Şeytansifət insanlara
Könül, həyat, qan vermədin.

Üzümüzə açıldı
On beş aprel səhəri.
Avropadan saçıldı
Şən Qələbə xəbəri.