Min doqquz yüz doxsan, iyirmi yanvar,
Həkk oldu tarixə qanlı gün təki.
Al qanla azadlıq toxumu əkən,
Azadlıq cücərdən şanlı gün təki.

Şəhidlik zirvəsi qismətin oldu,
Allah rəva bildi bu şəhadəti.
Köksün Vətəninə sevgiylə doldu,
Alışdı qəlbində torpaq həsrəti.

İsmayıllı təki dilbər guşədə,
Dünyaya göz açdın, xoşbəxt böyüdün.
Olmaq Vətəninçin hərbi peşədə,
Özünə olurdu hər an öyüdün.

Zəfər günün mübarək, anam Azərbaycanım,
Zəfər ünün mübarək, canım Azərbaycanım,
Azad şənin mübarək, şanım Azərbaycanım!
Sənə Zəfər yaraşır, uca zirvələrdə ol,

Müharibə ölsün, getsin dünyadan,
Sülhə yol açılsın, bərqərar olsun.
Silahlar, bombalar itsin dünyadan,
Gülüşlər, sevinclər qəlblərə dolsun.

Aslanın erkəyi, dişisi olmaz,
Erkəklər içində döyüşə girdin.
Gözünə göründü nə oğul, nə qız,
Vətənin xilası olmuşdu dərdin.

Toxunmayın, sevdalıyam,
Xəyalımda məhəbbət var.
Bir igidin sevdasıyam,
Sevdasında dəyanət var.

Namusun, qeyrətin yerlə göy qədər,
Səninlə fəxr edir Vətənin, əsgər!
Vətəndən uzaqda olsan nə qədər,
Ürəyin Vətəndə döyünür, Hüseyn,