Bu gün onilliyin, şərəfli günün,
Ad günün mübarək, gözəl Mələyim!
Dünyaya yayılsın bu xoşbəxt ünün,
Birinci onillik olsun dirəyin!

Atam mənə bir gözəl
Tutuquşu alıbdır.
Deyildir heç o, dəcəl,
Sakit baxıb qalıbdır.

Nənəmi çox sevirəm,
Canım kimi əzizdir.
Hər nə desə, edirəm,
Hər bir sözü ləzizdir.

Ay nənə, böyümüşəm,
Qoy, tutum əllərindən.
Qoy, öpüm o möhtəşəm,
Gümüş tək tellərindən!

Həyətdə pişikləri
Qoruyub, yemləyirəm.
Çəkirəm keşiklərin,
Bir yerə cəmləyirəm.

Sən gözəllər gözəlisən,
Qara gözlü, nur Mələyim.
Taleyimin əzəlisən,
Allah sənə yar, Mələyim!

Nənəmi çox sevirəm,
Mehribandır, əzizdir.
Ona olan bu sevgim
Bir ümmandır, dənizdir.

Novruz, xoş gəlmisən, bu diyara sən,
Gözəl gədəmlərin mübarək və şən!
Açılır gözünlə təbiət gözü,
Yazın gəlişinə böyük müjdəsən!

Fəsillərin ən gözəli,
Gül-çiçəkli bahar gəlir.
Bayramların ən özəli,
Novruz adlı qatar gəlir.

Deyirəm, it al mənə,
Bəsləyim, əzizləyim.
İt almır atam mənə,
Səsləyim, əzizləyim.